Minia Martul Tobío. Bibliotecaria, foi directora da Biblioteca Pública de Ourense, e elaborou diversos catálogos de bibliotecas, entre outros o da Casa-Museo de Otero Pedrayo, en Trasalba.

Filla de Mª de los Ágeles Tobío Fernández e Pedro Martul Rey, os cuais deberon exiliarse tras a Guerra Civil. Herdou da súa nai o interese pola labor bibliotecaria[1]. Fora esta membro do Cuerpo de Auxiliares de Bibliotecas, do que foi expulsada e depurada en 1950, ao seu regreso a España. De todo iso deixaría constancia, tanto da súa experiencia republicana como do seu exilio en Méjico, nas súas memorias[2]

Minia Martul ingresou no Cuerpo Auxiliar de Arquivos, Bibliotecas e Museos. O seu primeiro destino foi a Biblioteca Central da Universidade de Salamanca, e simultaneó, ao pouco tempo, os seus labores profesionais neste centro con e na biblioteca da Facultade de Filosofía e Letras da mesma Universidade.

Nesta época colaborou na redacción do catálogo da colección Unamuno correspondente ao seu exilio en Hendaya e depositada na biblioteca de Casa-Museo “Miguel de Unamuno”. Posteriormente, a Universidade de Salamanca, faríaa cargo da redacción do inventario da colección epistolar de D. Miguel de Unamuno, que chegaría a ser publicado posteriormente.

En 1966, por concurso público, foi destinada á Biblioteca Pública do Estado en Cádiz, onde sería responsable do catálogo do Fondo Antigo. E en 1967 foi destinada como directora á Biblioteca Pública de Alcoy (Alacante) onde desenvolvería o seu labor ata o ano 1969.

En marzo de 1969 tomaría posesión da praza do Cuerpo Ayudante de Archivos, Bibliotecas y Museos da Biblioteca Pública do Estado en Ourense. A partir de 1980 faríase cargo da dirección deste centro, ata 1983; e desde 1985 ata a súa xubilación en setembro de 2004, así como do Centro Coordinador de Bibliotecas da provincia.

Durante o exercicio da dirección fíxose cargo do proceso de transferencia da Biblioteca do Estado á Xunta de Galicia. Esta última administración confirmouna na dirección[3]. Entre as distintas actividades desenvolvidas, no exercicio das súas responsabilidades, destaca a organización do fondo xeral e antigo (séculos XVI-XVIII), do que se chegou a publicar un catálogo impreso[4].  Así mesmo, interveu en actividades de ámbito nacional de difusión do libro[5]; así como en grupos de traballo organizados baixo a tutela do Ministerio de Cultura, co obxecto de estudar a elaboración de normativas relativas aos distintos servizos ofrecidos nas bibliotecas públicas[6].

Colaborou, en 1981, xunto con Olga Gallego Domínguez, da que foi gran amiga, na organización e descrición catalográfica de bibliotecas ourensás tan significativas como a que pertenceu a D. Ramón Otero Pedrayo, depositada na súa casa-museo, sita en Trasalba (Amoeiro), propiedade da Fundación que leva o seu nome. Posteriormente sería publicado o seu catálogo mecanizado.  Tamén se involucrou nas tarefas de Anabad Galicia, hoxe BADMA, chegando a ser membro da súa Xunta directiva, baixo a presidencia de Francisco Fariña.

É de interese sinalar que a familia Martul Tobío realizou o depósito de documentos privados, correspondentes ao período 1936-1950, no Museo do Pobo Galego, de Santiago de Compostela. Estes son custodiados entre os arquivos persoais e familiares da súa “Biblioteca e Arquivo”[7].