A Fundación Olga Gallego convida a todas as persoas interesadas na protección e difusión do patrimonio documental de Galicia a colaborar na creación dunha base de datos que recolla información que axude a mellorar o coñecemento global acerca do estado en que se atopan estes bens culturais. Será unha forma de achegar exemplos concretos que enriquezan o diálogo e o debate sobre a conservación e uso social dos arquivos.

Unha lista dos temas que suxerimos incluiría os seguintes puntos:

• Localización de arquivos ou de documentos descoñecidos.
• Novos proxectos de tratamento (organización e descrición, dixitalización...) de arquivos privados.
• Destrución de documentos.
• Arquivos públicos ou privados en deficiente estado de instalación ou conservación.
• Arquivos de difícil acceso:
  • Por falla de persoal para a súa custodia e tratamento.
  • Por instalacións inadecuadas.
  • Por outro tipo de dificultades.